Jenan alvokon la 2003-01-23an lanc'is Marco Pannella kaj siaigis "Transnacia Radikala Partio"

IRAKO. ALVOKO AL LA SEKUREC-KONSILIO.
FORIRU SADDAM.
KREIGHU "DEMOKRATA REGISTARO" DE LA UNUIGHINTAJ NACIOJ

Inter,
unuflanke, la subtenantoj de la paco kiom-ajn-kosta - hereduloj de la asertintoj "Chu morti por Gdansko: neniam!" auh "Prefere rughaj ol senvivaj", kaj de la "pacistaj" kaj komunistaj pordizertadaj alvokoj fronte al la hitlera armeo auh al la taliban-reghimaj teroristoj - kaj

aliflanke, la danghera, eble nenecesa, agado de la apogantoj la militan solvon, chesigontan la Bagdad-reghiman minacon,

elstarighas blindiga evidentajho: en Irako kaj por Irako - kiel por la cetera Mez-Oriento kaj por la tuta mondo - la autenta kaj longedauhra alternativo, hodiauh, estas ne: "milito auh paco", sed: "milito auh libero, juro, demokratio kaj paco".


Tial, ni alvokas la internacian Komunumon, unuavice la Unuighintajn Naciojn, por ke ili sia-igu, tuj, la aserton, ke, ech lauh Usono, ekzilo de diktatoro Saddam sennecesigus militon kaj konsistigus deirpunkton por politika solvo de la Iraka problemo.


Ni alvokas la Sekurec-Konsilion tuj decidi - premisinte la elscenighon de Saddam kaj surbaze de la povoj al ghi atribuataj de la UN-Charto - Irakon submeti al internacia konfida administrado (ia demokratia registaro), taskante plej altnivelan shtatiston dumdujare estigi la kondichojn por ke chiuj ge-irakanoj plene ghuu lauhjurecon kaj liberon, kiel tion postulas la UN-Charto de la fundamentaj rajtoj.


Ni alvokas ge-bonvolulojn, en la tuta mondo, urghe organizighi kaj mobilizighi por ke triumfu tiu simpla vero, agha kiel demokratio kaj libero! Por ke libero, juro, demokratio kaj paco, diktatorecon kaj militon supervenku!